Deputeti i opozitës së re në Kuvend Lefter Maliqi ka reaguar menjëherë pas lajmit të shkarkimit nga detyra të sekretarit të Përgjithshëm të Ministrisë së Brendshme Dritan Palnikaj, i cili sipas tij është nipi i Drejtorit të Përgjithshëm të Burgjeve.
Sipas deputetit Maliqi drejtori i Përgjithshëm i Burgjeve Agim Ismaili është njolla me e zezë dhe drejtori më i paaftë që ka njohur administrata në këto tre dekada.
Ai shton se këta të dy kanë qenë në konflikt interesi pasi nipi bënte tenderat e burgjeve ndërsa daja i merrte në dorëzim.
Dër të tjera Maliqi thotë se interpelanca me kryeministrin do të zbardhë se kush janë klanet mafioze që bëjnë emërime në qeveri pa asnjë kriter, meritë, aftësi por vetëm shërbejnë si ushtar ndaj klaneve që përfitojnë nga djersa e popullit dhe shantazhojnë administratën e ndershme të shtetit.
REAGIMI I PLOTE I DEPUTETIT LEFTER MALIQI
Akuzohet Daja, iken nipi. Qeveri e korruptuar, e kapur nga klanet mafioze, duhet rrezuar nje sahat e me pare.
Te dashur miq! Me shkarkimin nga detyra te Sekretarit te Pergjithshem te Ministrise se Brendshme, u provua shqetesimi im nepermjet statusit ne FB diten e djeshme, per lidhje nepotike mes Drejtorit te Pergjithshem te Burgjeve dhe Sekretarit te Pergjithshem te Ministrise se Brendshme, si Daje e nip per zhvillimin e tenderave te burgjeve, ku nipi i kryente dhe Daja i merrte ne dorezim. E keqja me e madhe, vazhdon te qendroj i qete ne detyre, pasi abuzimet, arroganca, fyerjet, kercenimet, e shkuara e erret, tejkalimi i kopetencave, paaftesia, shantazhimet, privatizimi i detyres, shkaterrimi dhe degradimi qe po i ben sistemit te burgjeve, shkarkimet, pezullimet, lirimet, komandimet e paligjshme etj etj, jane njolla me e zeze e Drejtorit me te paafte qe ka njohur administrata e burgjeve keto tre dekada. Lufta ime per te mbrojtur me te drejte, njerezit e thjeshte qe respektojne ligjin, nuk do ndaloj asnjehere, pasi une mbroj interesat e qytetareve e jo te pushtetareve. Interpelanca me Kryeministrin do zbardh keto te verteta dhe kush jane klanet mafioze qe bejne keto emerime pa asnje kriter, merite, aftesi por vetem sherbejne si ushtar ndaj ketyre klaneve qe perfitojne nga djersa e popullit dhe shantazhojne administraten e ndershme te shtetit.
