Dalin pamjet pas sherrit me armë në Jalë, njerëzit të tmerruar vrapojnë e ulërasin (VIDEO)

Pas sherri të ndodhur në Jalë dy ditë më parë, ku pati një përplasje dhe me armë zjarri, është publikuar edhe një video.

Video është filmuar nga një prej dëshmitarëve që ndodhej në lokalin në zonën Vip të Folie Marine, pas sherrit me sende të forta që ndodhi mes dy grupesh të të rinjve, që degjeneroi në përdorimin e armëve.

Disa të shtëna u dëgjuan ndërsa klientët nisën të iknin të tmerruar duke vrapuar dhe ulëritur, ndërsa disa të tjerë u fshehën poshtë tavolinave nga frika e plumbave.

Edhe pse pamjet tregojnë që të gjithë njerezit vrapojnë që të largohen sa më shumë ose të fshihen, Policia e Vlorës ka heshtur.

Uniformat blu mësohet se kanë shkuar në vendngjarje por nuk kanë gjetur asnjë gëzhojë dhe ndaj nuk kanë nisur asnjë hetim.

Sipas tyre kjo ngjarje nuk ka ndodhur pasi kur kanë shkuar ata në Jalë nuk kishte asnjë shenjë.

Më poshtë video e publikuar nga JOQ:

Del videoja nga Folie Marie/ Njerëzit shpërndahen të terrorizuar, njolla gjaku kudo on Vidnews.