Mbrëmjen e sotme është tensionuar situata në zonën e Unazës së Re, aty ku prej kohësh banorët protestojnë për të mbrojtur banesat e tyre.
Mësohet se banorët e zonës kanë ndezur zjarr dhe kanë grumbulluar gurë për shkak të forcave të policisë.
Ish-deputeti i Partisë Demokratike Klevis Balliu shprehet se në vendngjarje janë dhe të pranishëm janë dhe Forcat e Ndërhyrjes së Shpejtë (FNSH).
Po ashtu raportohet se në mbështetje të banorëve përveç Balliut janë edhe dy ish deputetët e LSI-së, Petrit Vasili e Endrit Braimllari.
STATUSI I KLEVIS BALLIUT
Siç e kam paralajmëruar Edi Rama kërkon viktima dhe sot ka sjellë FNSH dhe gjithë Policinë e Shtetit për të ndaluar heronjtë e Unazës së Re që të protestojnë, siç ja lejon Kushtetuta duke provokuar dhunën dhe bërë arrestime të paligjshme tek Unaza.
Gjithçka ndodh sot është faji i Edvin Kristaq Ramës.
I bëj thirrje komunitetit ndërkombëtar që ti bëjë thirrje qeverisë të tërhiqet për të parandaluar dhunën.
Unaza momentalisht është në shtet rrethim për të provokuar dhunë.
