Dorëheqja e kryeministrit të Kosovës, Ramush Haradinaj sot ishte një rrufe në qiell të hapur. Vetë kreu i qeverisë kosovare u shpreh se duhej ta ndërmerrte këtë akt pasi dëshironte të shkonte para Gjykatës Speciale si një qytetarë i thjeshtë dhe jo si kryeministër.

Por në mediet kosovare këto orë të fundit ka filluar të qarkullojë një teori që e lidh këtë dorëheqje të Haradinajt me pozicionin e tij ballor kundër idesë për shkëmbimin e territoreve me Serbinë.

I është pyetur nga gazetarët në Kosovë nëse mund të jetë detyruar nga kundërshtarët brenda apo jashtë kufijve të Kosovës, ai tha se nuk mendon për momentin duke kujtuar se Kosova është shtet sovran dhe ka nderin e vet që nuk shitet në treg.

A mendoni që kjo ftesë nga Specialja është puro që lidhet me drejtësinë apo fshihet diçka politike pas saj?

“S’po mendoj njëherë. Me rëndësi është që Kosova të bëhet gati për zgjedhje. Është mirë që të tjerët të kuptojnë se jemi shtet sovran, kemi nderin tonë, nuk është një nder në treg për vlera tjera por i luftëtarit shqiptar, edhe i vendit, i shtetit dhe i kryetarit të qeverisë nuk është i poshtërueshëm nga askush. Edhe pse jemi vend i ri, i vogël nuk do mundet kush ta poshtërojë Kosovën asnjëherë.”

Video: