Berisha nuk duron dot më, nxjerr të palarat e PDIU me pronat në bregdetin e Adriatikut

Opozita e bashkuar me PD dhe LSI në krye, vitin e fundit ka në krah edhe PDIU, parti e cila u largua nga mazhoranca, duke qenë se ngeli pa tepsi, pasi ajo i shkoi e gjitha PS-së. Kjo parti me në krye Shpëtim Idrizin, që thotë se punon dhe lufton për kauzën çame, vetëm një gjë të tillë nuk ka bërë dhe nuk bën dhe faktet për këtë pohim po dalin në dritë ditë pas dite.

Dhe çjerrja e maskës së PDIU këtë herë nuk vjen nga mazhoranca apo ndonjë grupim që është kundër kësaj partie, por nga vetë doktor, Sali Berisha. Ky i fundit, edhe pse i vetëdijëshëm që PDIU e ka në koalicion, nuk ka mundur dot të durojë dëmet dhe padrejtësitë që përfaqësues të kësaj partie vazhdojnë të bëjnë në çdo sektor ku drejtojnë dhe kanë pushtet në duar.

Një nga ata është kryebashkiaku aktual i Rrogozhinës, Beqir Nuderdini. Ky i fundit vijon të jetë në krye të kësaj bashkie dhe denoncohet nga qytetari dixhital në facebook-un e Berishës si uzurpues i një pjesë të madhe toke në bregdetin e lakmuar të Spillesë. Qytetari që denoncon Berisha nw fakt, ankohet për administratorin e Gosës, por afërmendsh ish-kryeministri nuk ka dashur të bëjë një sulm ballor që në herën e parë, por e ka bërë këtë si një formë paralajmërimi për Nuredinin, që…”këtë herë nuk po ta përmend emrin, po duhet të ndalosh që herën tjetër të shpëtosh”.

“Dua t’ju informoj për zaptimin e rreth 1 km vijë bregdetare në Vilë-Bashtovë, njësia administrative Gosë, bashkia Rrogozhinë, nga administratori i njësisë administrative Gosë Z.Hajrulla Kalo. I ardhur në pushtet nga koalicioni i PDIU-PS, nuhatës i mirë i pushtetit sepse është gjithmonë simpatizant i partisë që ka premisa për të fituar, tashmë i ka bërë dhuratë vetes zaptimin e bregdetit.”- thotë qytetari i revoltuar në facebook-un e Berishës.

Nuredini prej disa kohësh zotëron edhe një medie të njohur dhe me pushtet në Tiranë e cila është e pozicionuar në Opozitë me qeverinë Rama, por tani do të mbetet për tu parë si do të vazhdojë kjo histori, nëse Nurdini do i qëndrojë besnik partisë së tij PDIU, apo do të zgjedhë të shikojë një tjetër drejtim siç tashmë e kanë bërë disa figura të njohura të kësaj partie. Mjafton të përmendim, Abas Hadon, që ka kaluar te PS apo edhe Ardit Bidon, që është distancuar nga Idrizi dhe drejton Arkivin Qendror Shqiptar.

Më poshtë denoncimi i plotë i Sali Berishës: