Basha thërret edhe socialistët nga protesta e Opozitës: Ju nuk jeni kriminelë

Kreu i PD-së, Lulzim Basha në fjalën e tij falënderoi të gjithë mbështetësit dhe aleatët për vazhdimin e kësaj kauze. Sipas Bashës në protestë do të bashkohen edhe vetë socialistët, pasi ata nuk janë si udhëheqësit e tyre.

Faleminderit mbështetësve të Partisë Demokratike për besimin tek kauza jonë për të cilën qëndruam bashkë, luftojmë bashkë, ngrihemi bashkë, fitojmë bashkë, duke refuzuar mercenarët e përbuzur të shitur tek Edi Rama.

“Nga ky shesh dua t’i drejtohem socialisteve të ndershëm në Shqipëri, ju nuk jeni hajna, nuk jeni kriminelë. Mos e lini partinë tuaj në duart e krimit. Është përgjegjësia juaj ndaj vetes dhe ndaj Shqipërisë, braktiseni Edi Ramën, izolojeni Edi Ramën. Shpëtoni partinë tuaj të marrë peng nga banditët e rrugës.

Sot jemi më shumë se kurrë në këtë shesh, por më pak se kurrë në Shqipëria. Shqipëria po shkretohet, shqiptarët po largohen nga varfëria dhe pamundësia. Po ikën elita, të rinjtë, e ardhmja e vendit”, tha Basha.