Kryetari i Partisë Demokratike Lulzim Basha mëngjesin e sotëm ka zhvilluar një takim me presidentin Ilir Meta.
Burimet bëjnë me dije se takimi ka zgjatur rreth 40 minuta, ndërsa fokusi i bisedimeve ka qenë kriza politike që po shoqëron vendin prej kohësh.
Mësohet se pak pas këtij takimi Basha ka mbledhur në zyrën e tij në selinë blu kryetaren e LSI Monika Kryemadhi.
Të pranishëm në takim janë nënkryetari i LSI Petrit Vasili si dhe kryetari i Partisë republikane Fatmir Mediu bashkë me aleatë të tjerë të Bashës.
Në minutat në vazhdim mbetet për tu parë se cfarë do të sjellin këto takime të njëpasnjëshme të figurave të opozitës.
