Basha jep lajmin e shumëpritur, ja çfarë do të ndodhë nesër në orën 11:00

Kryetari i Partisë Demokratike, Lulzim Basha iu bashkua në orët e vona të mbrëmjes protestës te Teatri Kombëtar.

Basha i përgëzoi të gjithë për rezistencën që sipas tij është një mesazh që shkon përtej kësaj godine dhe e godet shumë ashpër këtë mazhorancë.

Basha nga ky takim në fjalën e tij paralajmëroi edhe një tjetër nismë të Opozitës, e cila ka të bëjë me nje zgjidhje të qëndrueshme për Teatrin Kombëtar dhe që do të prezantohet nesër në ora 11:00.

“Te dashur artistë, qytetarë, ju falënderoj për shembullin e jashtëzakonshëm, heroik qytetar dhe europian që i treguam mbarë botës me qëndresën tonë, që me Aleancën për Teatrin, kauzën më fisnike, mirënjohje për sakrificën tuaj. Zonja dhe zotërinj të aleancës, jeni krenaria dhe frymëzimi për opozitën, qytetarët, jeni etaloni i ri i qëndresës së pathyeshme të qytetarëve të bashkuar kundër së keqes.

Mirënjohje për sakrificën tuaj, ju jeni krenari dhe frymëzimi për çdo qytetarë që e do Shqipërinë si gjithë Europa. Kemi parë sot brutalitetin e një shteti mafioz, të një hajduti psikik që do të shkatërrojë këtë truall fisnik këtë godinë që është kujtesë e trashëgimisë kulturore dhe është tregues i qytetarisë së Tiranës dhe gjithë Shqipërisë. Beteja duhet dhe do të vazhdojë deri në fitoren e vlerave. Duek filluar me të nesërmen ku kërkoj nga të gjithë qytetarët e Tiranës të jemi të gjithë këtu sepse brenda kësaj godine do të nënshkruajmë marrëveshjen për Tetarin Kombëtarë që do të bëhet realitet kur ky vend të drejtohet nga një qeveri e qytetarëve, do të nënshkruhet nesër në orën 11:10, prandaj të jemi të gjithë këtu”, tha Basha.