Basha i frymëzuar që në mëngjes, publikon paralajmërimin për Teatrin një vit më parë

Kryetari i Partisë Demokratike Lulzim Basha ka reaguar në lidhje me situatën në Teatrin Kombëtar.

Ai ka postuar në Facebook një status të bërë saktësisht një vit më parë, ku ka paralajmëruar se afera me Teatrin për kullat bëhet që Rama, Fusha dhe Veliaj të pastrojnë 200 milionë euro nga paratë e drogës.

Basha gjithashtu akuzon Ramën se vetëm për luks qeveritar ai ka shpenzuar aq para sa për të ndërtuar 5 teatro kombëtarë.

Në fund kryedemokrati shton gjithashtu se ndihet i lumtur që ka nënshkruar kontratën me artistët brenda Teatrit Kombëtar ditën e enjte.

STATUSI I PLOTE I LULZIM BASHES 

Afera Rama-Veliaj e Kullave 200 milionë Euro te Teatri Kombëtar nuk ka të bëjë fare me Teatrin por vetëm me ndërtimin e kullave 200 milionë euro dhe pastrimin e parave të drogës. Debati për Teatrin është loja për të fshehur grabitjen 200 milionë euro.

Më poshtë deklarata ime një vit më parë me 28 korrik 2018:

“Rama nuk ka asnjë interes për teatër të ri pa kulla. Afera me Teatrin Kombëtar është për kullat e për të futur në xhep 200 mln euro, dhe jo për Teatrin, sepse për të nuk ka Teatër pa kulla. Vetëm për luks qeveritar, Rama ka shpenzuar aq para sa për të ndërtuar 5 teatro kombëtarë.

Unë i kuptoj artistët që kërkojnë një teatër më komod. Ka disa mundësi për një teatër të ri, si në Bulevardin e ri të Tiranës. Teatri aktual restaurohet në shërbim të artit e kulturës por dhe si monument unik i trashëgimisë kulturore të Tiranës.

Paralajmërimi për Edi Ramën, mafian e ndërtimit dhe mafian e drogës do të formalizohet si një kontratë e Partisë Demokratike me publikun: minat dhe rruspat i presin për çdo projekt korruptiv që do të ndërtohet te Teatri.”

P.S. I lumtur që kontratën e nënshkruam brenda Teatrit Kombëtar këtë të enjte!