Basha i bashkohet protestës te Teatri Kombëtar: Do ta mbrojmë në çdo formë dhe mjet

Kryetari i Partisë Demokratike Lulzim Basha i është bashkuar protestës së artistëve dhe qytetarëve për të mbrojtur nga shembja godinën e Teatrit Kombëtar.

Basha më pas është rrethuar nga forcat e rendit, duke e shkëputuar nga pjesa tjetër e protestuesve.

Gjatë fjalës së tij Basha u shpreh se cdo përpjekje që do të bëhet për të hapur gropën e teatrit do të jetë gropa e Edi Ramës.

“Betejën po e bëjnë artistët dhe aleanca për Teatrin, ne jemi në mbështetje të tyre dhe do të jemi në mbështetje me të gjitha format dhe mjetet. Çdo përpjekje për të hapur gropën e teatrit të kthehet në gropën e Ramës.

Opozita ka qenë dhe do të jetë këtu siç po e shikoni, çështja është që para çdo shqiptari po duket qartë se nuk kemi qeveri por një bandë dhe duhet të kuptojnë se kjo që po ndodh këtu mund të ndodhë në çdo shtëpi”, u shpreh lideri demokrat.