Basha firmos marrëveshjen me artistët për mbrojtjen e Teatrit Kombëtar (VIDEO)

Kryetari i Partisë Demokratike Lulzim Basha sapo ka nënshkruar marrëveshjen me artistët për mbrotjen e godinës së Teatrit Kombëtar.

Në këtë marrëveshje PD angazhohet që sapo të jetë në mazhorancë, do të anullojë ligjin që parashikon shembjen e Teatrit Kombëtar.

Gjithashtu PD merr përsipër që Teatrin Kombëtar ta shpallë Monument Kulture, duke ndaluar përgjithmonë prishjen e tij dhe mund ti hapet rrugë vetëm restaurimit.

Marrëveshja mes PD-së dhe artistëve është lexuar nga Kastriot Çipi, i cili tha se kjo forcë politike e ka mbështetur që në fillim kauzën për Teatrin Kombëtar.

Marrëveshja është nënshkruar brenda ambjenteve të Teatrit Kombëtar. Të gjithë artistët që nuk mbështesin prishjen e teatrit, kanë firmosur të gjithë kontratën.

“Për mua është emocion i rrallë, që të jem në këtë prani, të elitës dhe mendjes së kombit dhe së bashku të ndërmarrim këtë akt besimi. Këtë akt përkushtimi pa kushte të opozitës së bashkuar, për të mbështetur me të gjitha format vendimet e Aleancës për Mbrojtjen e Teatrit. Nënshkrimi i kësaj kontrate besimi midis opozitës së sotme dhe artistëve, është akti i parë që ne ndërmarrin për mbrojtjen e interest publik“, – tha Basha.