Anija e linjës Sarandë-Korfuz bllokohet në det, udhëtarët 6 orë pritje në diell

Anija “Saranda Express” e linjës detare Sarandë-Korfuz, ka pësuar defekt në ujërat greke.

Burime konfidenciale pranë Drejtorisë së Përgjithshme Detare, bëjnë me dije për A2 CNN se në bordin e anijes ndodhen 27 pasagjerë, shqiptarë dhe të huaj, si edhe 2 mjete, të cilat ishin nisur nga Korfuzi në drejtim të Sarandës.

Në momentin e parë, ka pasur panik te pasagjerët, të cilëve iu është dashur të qëndrojnë në det të hapur me orë të tëra.

Po të njëjtat burime saktësojnë se mjeti lundrues po rimorkiohet nga mjetet ndihmëse greke për t’u nxjerrë afër Kasiopit në Korfuz.