Një nga aleatët më të afërt historik të PD dhe Lulzim Bashës, kryetari i PR, Fatmir Mediu ka treguar për herë të parë se përse Opozita nuk i bllokoi zgjedhjet e 30 qershorit.
“Nga ana tjetër, si opozitar nuk është momenti për të qenë euforik, por për të qenë të përgjegjshëm”, tha ai në emisionin “I Ftuari” të Endri Xhafos.
Por pse nuk e bllokoi opozita procesin, ashtu siç liderët e saj ishin shprehur më herët? Mediu i dha përgjigje kësaj pyetje se rrezikohej përplasja civile.
“Unë mendoj se bllokimi i procesit do të sillte konflikte që do të ishin në kurriz të qytetarëve. Nga kjo pikëpamje ishte më e vështirë kjo që ndodhi se sa të hynim në një përplasje. Edi Rama e ka kërkuar me insistim këtë përplasje për të justifikuar atë të keqe që ka krijuar vetë. Politika e Edi Ramaës ka qenë dhe ngelet e keqja e tij të kthehet në të keqe të të gjithë Shqipërisë”, tha Mediu.
