Aleati i Bashës rrëfen planet e opozitës: Sa të rrëzojmë Ramën do të jemi bashkë, më pas….

Kryetari i LZHK Dashamir Shehi, njëkohësisht dhe një prej aleatëve më të fortë të Bashës, është shprehur se opozita do të jetë e bashkuar për aq kohë sa Rama do të jetë në pushtet dhe se pas largimit të tij duhet të riformatohet nga brenda për të larguar të korruptuarit apo ata që janë konsumuar.

I ftuar në studion e Report Tv, ndër të tjera ai shtoi se do sa të jetë Rama në pushtet ata do të mbyllin sytë.

“Opozita për sa kohë që të jetë Rama, do jetë e bashkuar edhe me negativët e tij. Ditën që do rrëzojmë Ramën, që do hapet fusha e lojës, gjykoj që opozita e ka për detyrim që të reflektojë brenda vetes, se si mund të përmirësohet sistemi, sesi duhet të largohen njerëz që janë konsumuar edhe një frontin opozitar. Kur është Rama në pushtet, do mbyllim “sytë”. Nuk na intereson që Rama drejton socialistët, le t’i mbysë në dru, t’i bëjë legena më shumë nga sa i ka bërë, por s’e duam kur drejton Shqipërinë“, tha Shehi.

Gjithashtu Shehi ka deklaruar se Basha ka bërë gabim që ka deklaruar se do t’i ndalojë zgjedhjet e 30 qershorit.

“Basha gabonte kur thoshte se do t’i ndalojmë ne. S’kishte zgjedhje, por vetëm votime. Zgjedhjet i ‘ndaluan’ qytetarët që nuk morën pjesë në zgjedhje. Ato që janë sot në parlament, nuk janë më në opozitë“, u shpreh kreu i LZHK.