Aleanca për Mbrojtjen e Teatrit ka hedhur akuza për Ministrinë e Kulturës duke deklaruar se kjo e fundit ka dhënë urdhër për zbrazjen e godinës së Teatrit Kombëtar.
Aleanca ka publikuar edhe disa foto në faqen zyrtare në Facebook ku sipas tyre po tentohet të nxirren jashtë sendet që ndodhen brenda godinës.
REAGIMI I PLOTE
“Sot në mëngjes, Ministria e Kulturës ka urdhëruar zbrazjen e godinës së Teatrit Kombëtar.
Duket se dyshja Rama-Veliaj po hedhin hapat e parë konkret për shembjen e kompleksit teatror dhe grabitjes së truallit publik.
Aleanca për Mbrojtjen e Teatrit e ka deklaruar prej kohës qëndrimin e saj të prerë në lidhje më këto hapa: TEATRI NUK DO TË SHEMBET!!! Pushtetit politik mund ti trimërojë hajdutët, por nuk ka për ti shpëtuar përgjithmonë. Teatri do mbrohet, edhe me gjak po të jetë nevoja, dhe kushdo që do guxojë të ngrejë dorën ndaj tij do të gjykohet e do të paguajë shumë shpjet pasojat e vendimeve të marra sot.
Hiqni dorë nga kjo marrëzi para se te jetë vonë për Ju! #MoxGuxo”
