LIGJET E BIZNESIT
Pas alarmit që dha dje presidenti Ilir Meta se një tërmet apokaliptik do të ndodhte në Ballkan dhe në Shqipëri, ka ardhur edhe reagimi i ministres së Shtetit Për Marrëdheniet me Parlamentin Elisa Spiropali.
Me anë të një statusi në rrjetet sociale, Spiropali i ka kërkuar Metës që ta shtyjë tërmetin me anë të një dekreti.
“Baba Xhike të kemi rixha, nxirr një dekret e shtyje atë tërmet se na le pa gjumë. Kjo ishte batuta më e bukur e rrjetit për parashikuesin e parë në botë të tërmetit,”-shkruan Spiropali.
Kujtojmë se ditën e djeshme presidenti Ilir Meta dha alarmin për tërmet pasi sizmiologu grek Akis Tselentis paralajmëroi një tërmet apokaliptik në Ballkan.
Kreu i shtetit i dërgoi letër kryerministrit Edi Rama, ministrit të brendshëm Sandër Lleshaj dhe ministres së Mbrojtjes Olta Xhacka ku i pyeste se a kishte kapacitet vendi ynë për të përballuar një katastrofë të tillë natyrore.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
