Siguria ushqimore në Shqipëri ndoshta asnjëherë nuk ka qenë më e ulte së në këto vitet e fundit. Shqiptarët nuk dinë se çfarë hanë dhe cili është impakti i ushqimeve që ata konsumojnë kanë në shëndetin e tyre.
Por përtej të gjithë pesticideve që përdoren në perime dhe konservantëve të dëmshëm në produktet e mishit dhe te bulmetrat, një tjetër trend i frikshëm është denoncuar nga emisioni “BOOM” në Ora News. Bëhet fjalë për frigoriferët në supermarketet që nuk garantojnë produktet në temperaturën e kërkuar.
Nga një vëzhgim në terren në disa supermarkete në Tiranë, Durrës dhe Lushnje i emisionit “Boom” në të gjitha supermarketet, ku u bë prova, temperatura e frigoriferëve ishte dyfish ose më shumë e lartë. Ky vëzhgim tregoi se shifra e temperaturës së treguar në frigoriferë është fiktive, pasi të gjitha produktet qëndronin në temperaturën e përgjithshme të supermarketit.
Skandali i rëndë qëndron në faktin se edhe në rastet kur frigoriferët ishin në rregull dhe temperatura ishte ajo që tregonte, sërish kjo ishte më e lartë nga niveli që produktet kërkonin, sipas etiketës së vendosur.
Ky fenomen i shëmtuar dhe që na rrezikon jetën seriozisht haset në të gjitha llojet e supermarketeve, nga ata të vegjël, e deri tek ata që pushtojnë televizionet tona më reklama të bukura.
Për të parë emisionin kliko këtu.
