Si çdo natë, edhe sonte ka vijuar protesta para Teatrit Kombëtar.
Sonte aktivistëve të Aleancës për mbrojtjen e Teatrit i është bashkuar edhe aktorja e mirënjohur, Roza Anagnosti.
Ajo i është bashkuar kësaj protestë për të ndaluar shembjen e Teatrit.
Për pjesëmarrjen e saj ka reaguar edhe regjisori i mirënjohur, Edmond Budina, i cili e ka falënderuar atë që i bashkohet kësaj kauze të madhe.
“Është kënaqësi që tju shohim përherë e më tepër. Kënaqësi e veçantë të ndihem plotë të kem këtu kolegen time, një nga artistet më të mira që ka nxjerrë Shqipëria, Roza Anagnosti, e përshendes. Nuk mund të mos përshëndes miken e vjetër Justina Aliaj, mikun tim Fitim Makashin, aktorët që kanë dhënë jetën për këtë Teatër. Kam kënaqësinë të falënderoj dhe Jetën rrobaqepësen e Teatrit. Këta janë qytetarët e Tiranës.”- tha Budina.
