Një aksident i rëndë ka ndodhur mbrëmjen e djeshme në afërsi të kryqëzimit Gramëz, Krujë, ku dy automjete janë përplasur me njëri-tjetrin.
Si pasojë e përplasjes njëri prej shoferëve të mjeteve shtetasi B.G ka mbetur i plagosur, ndërsa pasagjerja 25-vjeçare V.G ka ndërruar jetë.
NJOFTIMI ZYRTAR I POLICISE
Më datë 04.07.2019, rreth orës 22:10, në afërsi të kryqëzimit Gramëz, Krujë, shtetasi B.G.,48 vjeç, banues në Has, duke drejtuar automjetin e tij është përplasur me një mjet ende të paidentifikuar , për pasojë është lënduar vet si dhe pasagjerja shtetasja V.G.,25 vjeçe, e cila ndërroi jetë në Spital.
Policia po punon për përcaktimin e shkakut të aksidentit si dhe identifikimin e mjetit dhe kapjen e drejtuesit i cili është larguar nga vendi i ngjarjes.
