Aksident masiv, përplasen tre mjete dhe autobuzi i linjës Shqipëri- Greqi, plagoset një fëmijë

Një aksident masiv ka ndodhur pasditen e sotme në Pogradec, ku si pasojë e përplasjes është plagosur një fëmijë.

Ngjarja ka ndodhur në segmentin Pogradec- Qafëthanë, në afërsi të Gurit të Kuq, ku u përfshinë tre automjete dhe një autobus i linjës Shqipëri-Greqi.

Ende nuk dihet shkaku i aksidentit, ndërkohë që mësohet se fëmija ka marrë plagë të lehta dhe ndodhet jashtë rrezikut për jetën.

Grupi hetimor po punon për zbardhjen e rrethanave dhe shkaqeve të aksidentit.