Një aksident i rëndë automobilistik ka ndodhur ditën e sotme në aksin Shëngjin-Lezhë ku janë plagosur katër persona.
Mësohet se dy automjete janë përplasur me njëri-tjetrin dhe për pasojë njëri prej tyre ka dalë nga rruga.
Të plagosurit janë dërguar menjëherë në spitalin e Lezhës dhe po marrin ndihmën e nevojshme.
Policia ka mbërritur në vendngjarje dhe po punon për zbardhjen e plotë të rrethanave dhe shkaqeve të aksidentit.
