Kanë dalë detaje nga takimi i sotëm i kryeministrit Edi Rama i cili është dhe kryetar i PS, me drejtuesit socialistë të qarqeve të veriut.
Mësohet se gjatë mbledhjes Rama ka thënë se konstituimi i këshillave bashkiakë dhe kryebashkiakëve do të bëhet deri me datë 15 gusht.
Pas kritikave që dha në mbledhjen e Asamblesë së PS për administratën ne territor, Rama ka dhënë porosi të prerë që të bëhet vlerësimi i punonjësve në cdo bashki dhe analizë e strukturave dhe shërbimeve në institucionet lokale.
Mësohet se ai ka kërkuar që të evidentohet kontributi i drejtuesve te institucioneve ne raport me Partine Socialiste.
“Administrata ne territor ka probleme. Në muajin shtator dhe tetor do të behet vlerësimi i gjithë drejtorëve dhe pastrimi i atyre që nuk kapnin ritmin”- mësohet të ketë thënë Rama.
Sipas tij, vendimet për emërimet e drejtorëve do merren në këshillin rajonal. Më tej, Rama u ka dhënë porosi kryetarëve të bashkive të bëjnë organigramat e bashkive, planet e investimeve dhe buxhetimeve, të cilat duhet të jenë gati deri në fund të gushtit.
