“ A keni frikë nga SPAK?”, përgjigjet Rama: As në ëndrrën time më të keqe se kam parë…

Gjatë konferencës në kryeministri përpara gazetarëve kreu i qeverisë Edi Rama ka komentuar edhe në lidhje me krijimin e SPAK dhe mungesën e opozitës.

I pyetur nga një gazetarë nëse i trembet SPAK dhe se e ka menduar ndonjëherë që një ditë do të gjendej me të gjitha pushtetet në duart e tij, kryeministri i është përgjigjur duke akuzuar opozitën se as në ëndrrën e tij më të keqe nuk e ka parë të katandiset kështu.

Pyetje: A keni frikë nga SPAK? A mendoni se do t’ kishit në duart tuaja të gjithë pushtetet, e kishit ëndërruar ndonjëherë këtë?

Edi Rama: As në ëndrrën më të keqe nuk e kam parë opozitën të katandiset kështu siç është bërë. Është shumë e vështirë të qeverisësh me një opozitë që të vrasi veten sesa të vrasi ty politikisht. Shumë shumë e vështirë sepse është një boshllëk që të gjesh forcat për të bërë punën mirë. Sa i përket të gjitha pushteteve nëse kam kapur SHBA dhe BE atëherë skeni ça bëni ju e keni humbur këtë betejë. Të thuash që kapet BE dhe SHBA se ka një forcë deep deep deep janë qesharake në rastin më të mirë dhe klinikisht shqetësuese në rastin me të keq. Kjo nuk është çështje mit sokolash, është çështje veprash. Që në ditën e parë kam qënë i vendosur për një reformë në drejtësi. Nuk e lexova draftin. E mbani mend? Aty ku hyn drejtësia dalin të tjerat. Nuk është rasti kur unë them jam trim, s’jam trim.