Ndonëse jo me një përgjigje të prerë, kryetarja në detyrë e Shkodrës, Voltana Ademi, i ka dhënë përgjigje zërave nëse do ta lirojë apo jo zyrën e kryebashkiakes së Shkodrës.
E ftuar në emisionin “Provokacja”, ne Abc News pa pritur pyetjen e drejtuesit të emisionit Ademi tha se ajo do të jetë në krahun e njerëzve.
“Po i përgjigjem një pyetjeje që e pres edhe nga ju: do e lironi zyrën? Përtej një karrigeje apo zyre minimaliste në kuptimin formal të fjalës, mendoj që problemi që ne kemi sot në Shqipëri është përtej vendorëve , përtej bashkive, dhe kjo duhet të na shqetësojë. Është krizë e madhe që lidhet demokracinë dhe me themelin e demokracisë dhe përgjigja që është dhënë të dielën nuk e di nëse populli jonë ka reaguar ndonjëherë më fuqishëm se të dielën”.
Nano: Do e lironi zyrën?
Ademi: Unë do jem në krahun e njerëzve.
