Marrja e kalorive të tepërta është një nga shqetësimet më të mëdha për të gjithë ata që kujdesen për format trupore, sidomos gjatë stinës së verës.
Mirëpo asnjëherë nuk arrini të kuptoni se cilat ushqime kanë më pak, apo më shumë kalori. Janë disa ushqime që kanë pak kalori dhe mund t’i konsumoni pa frikë gjatë verës:
- Sallata jeshile
Sallata jeshile do të shtojë shumëllojshmërinë e ushqimit tuaj, por edhe vlerat ushqyese. Sallata jeshile ka kalori jashtëzakonisht të ulëta dhe përmbajtje të lartë të ujit, por është një burim i shkëlqyer i vitaminave A, K dhe C. - Luleshtrydhet
Luleshtrydhet shërbejnë për disa përfitime shëndetësore, ndihmojnë në parandalimin e sëmundjeve të zemrës dhe diabetit.
Ato kanë shumë pak kalori dhe janë një nga ushqimet më të mira për humbje peshe. - Turshitë
Turshitë janë të kripura, por shumë të shijshme. Gjithashtu janë një nga ushqimet e preferuara për të gjithë ata që duan të mbajnë dietë, pasi kanë zero kalori.
- Kastravecat
Kastravecat kanë rreth 90% ujë në përbërje dhe si pasojë nuk kanë fare kalori. - Kajsitë
Të ëmbla, të lëngshme dhe perfekte për të gjithë ata që duhet të kujdesen për kaloritë e tepërta. - Kungulli
Kungulli është një nga perimet e verës më të shëndetshme dhe më me pak kalori që mund të gjeni. - Domatet
Domatet mund të zvogëlojnë rrezikun e kancerit dhe sëmundjeve të zemrës, sipas një studimi të publikuar në “Journal of Lifestyle of America”. Gjithashtu janë një nga perimet më të njohura të cilat ndihmojnë në humbjen e peshës. - Pjepri
I mbushur me antioksidantë, pjepri është ushqimi i përsosur, i ëmbël dhe freskues. Pjepri përmban shumë vitamina dhe minerale që mund të ndihmojnë në parandalimin e problemeve të syve.
9.Ullinj
Ullinjtë janë të mbushur me ushqyes dhe mjaft të shijshëm. Shtonjini ato në sallata për një dozë të shëndetshme yndyrash, të cilat mund të ndihmojnë në parandalimin e sëmundjeve të zemrës dhe ulin nivelet e kolesterolit të keq.
Me vetëm 26 kalori për pesë ullinj, është e lehtë për të mbajtur dietën tuaj në kontroll.
10.Kumbullat
Kumbullat janë pjesë e familjes së frutave prej guri, kanë përbërës që punojnë në qelizat tuaja për t’ju mbrojtur nga plakja dhe sëmundjet.
Janë edhe një nga frutat që përmbajnë më pak kalori.
