Zjarr i fuqishëm në një pallat në Elbasan, helikopteri i FA shpëton vajzën 7-vjeç

Një zjarr i fuqishëm ka rënë në një apartament në katin e 5-të të një pallati në qendër të Elbasanit në afërsi të gjimnazit “Dhaskal Todri”.

Më pas flakët kanë rrezikuar të përhapen edhe në pjesën tjetër të pallatit dhe kanë shkaktuar panik te banorët të cilët janë izoluar brenda pasi ambjentet e pallatit ishin përfshirë nga tymi.

Në këtë aksion ka marrë pjesë dhe një helikopter i shpëtimit të Forcave Ajrore me një grup të forcave Speciale në bord të cilët kanë mundur të nxjerrin edhe një fëmijë të moshës 7-vjecare e cila është transportuar menjëherë në spital pasi ka patur mungesë të theksuar oksigjeni.

Vajza e vogël ishte e izoluar në katin e 10 të pallatit.