Deputetja demokrate, Rudina Hajdari ka reaguar pas deklaratave të kryetarit të Komisionit të Jashtëm në Kongresin Amerikan, Eliot L.Engel.
Në një postim në rrjetet sociale, Hajdari shkruan se apeli i tij për të shmangur nga dhuna në 30 qershor duhet të merret parasysh nga të gjithë.
“Sot, Kryetari i Komisionit të Jashtëm në Kongresin Amerikan, Eliot L.Engel, dha një deklaratë për situatën politike në Shqipëri. Ai u bëri thirrje të gjitha palëve politike të shmangin aktet e dhunës dhe të angazhohen në drejtim të dialogut në përputhje me SUNDIMIN E LIGJIT dhe t’u japin shqiptarëve një proces elektoral të denjë për një vend anëtar në NATO” shkruan Rudina Hajdari.
