Në seancën e fundit parlamentare një javë më parë në të cilën raportoi dhe Prokurorja e Përgjithshme e Përkohshme Arta Marku, deputeti i opozitës së re Zef Shtjefni i ka drejtuar disa pyetje kësaj të fundit.
Ndër te tjera deputeti e pyet Arta Markun nëse në veprat penale që janë shtuar ditët e fundit në disa rrethe të Shqipërisë a ka patur persona të implikuar nga politika për këto ngjarje.
Në pyetjen e dytë deputeti e pyet Kryeprokuroren a ka funksionuar bashkëpunimi me Policinë e Shtetit dhe atë kriminale dhe nëse në polici janë njerëzit e duhur për të luftuar krimin e organizuar.
Gjatë pyetjes së tretë nisur nga një hetim nga SHKB-ja për të testuar gradën Komisar dhe kryekomisar ku testimi është bërë me dy standarte deputeti ngre pyetjen nëse SHKB-ja ka referuar material në prokurorinë e Tiranës dhe a do të ketë të proceduar nga drejtues policie për këtë rast?
Në fund deputeti Shtjefni ngre pyetjen e cështjes së përgjimeve ku mediat i nxorrën të parat a ka vazhduar hetimi dhe kur do të ketë persona që do të dërgohen në bankën e të akuzuarve për këtë përgjim.
Deputeti Zef Shtjefni në dokumentin me pyetjet e publikuara ngre shqetësimin gjithashtu se kush do të jetë personi që do të mbajë përgjegjësi për këto materiale që shpërndahen pa kriter në media për të cilat askush nuk është përgjegjës.
