Gjykata e Apelit të Tiranës ka miratuar vendimin e Shkallës së Parë për caktimin e masës së sigurisë “garanci pasurore” për Ervis Martinajn.
Prokurori i Apelit, Dritan Peka, ka kërkuar ndryshimin e masës “garanci pasurore”, me masën e sigurisë “Arrest në burg”, por treshja gjykuese e përbërë nga Flutura Skënderi relatore dhe Gramoz Levanaj e Artur Gaxha, e ka vlerësuar të drejtë masën e caktuar nga Gjykata e Shkallës së Parë.
Martinaj u arrestua pas masakrës në ish Bllok më 4 tetor 2018, ku pas një përplasje me armë zjarri, mbeti i vrarë Fabiol Gaxha dhe u plagosën dy të tjerë, Leart Hasa dhe vetë Ervis Martinaj.
