Ajo që përflitet shumë pas këtyre votimeve të sotme, është frika nëse kryetarët aktual të bashkive që drejtohen nga Opozita nuk do të dorëzohen tek ata që do të fitojnë në këto zgjedhje.
I pari që e ka bërë këtë paralajmërim në një intervistë për Al Jazeera ishte Xhelal Mziu, kryetar i bashkisë Kamzë.
“E vetmja gjë që mund të më lëvizë nga zyra, është vota e njerëzve dhe jo vendimi i një partie politike. Ne nuk jemi në Korenë e Veriut dhe nuk jemi më në komunizëm. Unë nuk do të njoh këto zgjedhje”, thotë kryebashkiaku i Kamzës, Xhelal Mziu.
Rrjeti prestigjioz i Katarit teksa realizon një kronikë për zgjedhjet në Shqipëri, ndalet në zonën e Kamzës.
