Valë protestash në Beograd, qytetarët kërkojnë dorëheqjen e presidentit Vuçiç

Ditën e djeshme rrugët e Beogradit janë mbushur nga protestues të cilët kërkojnë dorëheqjen e presidentit Aleksandar Vuçiç dhe Partisë Progresiste të tij që aktualisht është në pushtet.

Tashmë vala e protestave të përjavshme që ka përfshirë Beogradin ka hyrë në muajin e shtatë.

Shpeshherë protestat janë shoqëruar dhe me tensione ku disa herë qytetarët kanë tentuar të hynë dhe të uzurpojnë televizionin publik serb RTS, pas kërkesës për të rrëzuar presidentin serb.

Në këto protesta kundër Vuçiç ka marrë pjesë dhe kreu i opozitës serbe, Dragan Djilas dhe ai i partisë së djathtë Bosko Obradovic.