Në deklaratën e tij përpara gazetarëve menjëherë sapo ka dalë nga Gjykata e Krimeve të Rënda ku u kërkua shtyrja e seancës gjyqësore, ish-ministri i brendshëm Saimir Tahiri ka replikuar me gazetaren Klodiana Lala.
Teksa ajo e pyeti nëse kërkesa për gjykim të shkurtuar është pranim fajësie, ish-ministri i është përgjigjur se ai nuk është për politikë aty dhe se ajo flet shumë.
BISEDA
“Keni pranuar ju fajin? Ju jeni ministri më jetëgjatë”
Tahiri: Unë s’jam këtu për politikë, ju flisni shumë…
Lala: Po ju jeni ministri më jetëgjatë në historinë e pluralizmit
Tahiri: Jam ministri më jetëgjatë, jam edhe ministri më i mirë. Unë kërkova gjykim të shkurtuar që të mos zvarritet çështja. Kam arsye të besoj se ka shumë njerëz të interesuar që situata të zvarritet. Jam i vetmi që jam i interesuar për drejtësi.
