Menjëherë pas deklaratës së zv. ndihmës Sekretar i Shtetit në SHBA, Matthew Palmer se kush prish zgjedhjet nuk hyn në SHBA, ka ardhur dhe reagimi i kryeministrit Edi Rama.
Pak orë përpara protestës së opozitës, me anë të një postimi në rrjetet sociale Rama shkruan se SHBA-të nuk pranojnë politikën në dëm të zgjedhjeve demokratike dhe nuk toleron dhunën.
Ai gjithashtu shprehet i vendosur për mbajtjen e zgjedhjeve më 30 qershor.
“Prandaj është ajo që është Amerika se nuk e kupton lojën me Kushtetutën; nuk e pranon politikën në dëm të zgjedhjeve demokratike; nuk e toleron dhunën kundër institucioneve – e në këtë rast s’ka se si e fal kundërvënien ndaj Reformës nē Drejtësi! Vetëm përpara drejt 30qershorit”, shprehet Rama.
