Është tensionuar situata në Vaun e Dejës. Mësohet se në orët e pasdites së sotme disa militantë të PD-së në Vaun e Dejës janë mbledhur para ambienteve ku është vendosur KZAZ-ja nr. 6 në një shkollë profesionale duke i vendosur zjarrin. KZAZ-ja ndodhet në shkollën profesionale ‘Ndre Mjeda’.
Sipas burimeve të Report Tv, militantët e PD-së kanë hedhur një molotov nga një dritare dhe janë larguar, ndërsa ende nuk dihet për dëmet.
Strukturat e PD-së janë mobilizuar në zbatim të skenarit të opozitës për të bllokuar zgjedhjet në 30 Qershor duke ndjekur modelin e Shkodrës pak ditë më parë me përplasjet që kulmuan me zjarrin që iu vendos po një KZAZ-je në shkollë.
