Tensione në të gjithë vendin, Rama kërcënon protestuesit: Do përfundojnë burgjeve për Lulin dhe fallxhoren

Kryeministri Edi Rama gjatë një takimi me banorët e zonës në njësinë administrative nr.1 në Tiranë, ka komentuar tensionet në KZAZ që po ndodhin ditët e fundit në të gjithë vendin.

Ai ka paralajmëruar edhe njëherë të gjithë protestuesit se kush tenton të pengojë zgjedhjet apo procesin elektoral do të përfundojë në burg.

Kryeministri shton se ndërsa njerëzit nxiten nga kreu i PD Lulzim Basha dhe kryetarja e LSI Monika Kryemadhi të bëjnë rrëmuja, këta të fundit flenë në shtëpitë e tyre.

“Nuk do lejohet të dalin nga vendi 5-10 vite kush kryen krim elektoral. Kjo masë do të kalojë nesër në Parlament. E gjithë kjo rrëmujë bëhet nga frika e reformës në drejtësi. Keqardhje për ata që i ndjekin se po përfundojnë burgjeve. Shkojnë në burg për Lulin dhe për fallxhoren. Nxisin njerëzit të bëjnë rrëmuja, vetë flenë në shtëpitë e tyre”, u shpreh ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern