Ka përfunduar në polici ylli brazilian i futbollit, Neymar ku ka dhënë versionin e tij mbi ngjarjet e fundit ku akuzohet për përdhunim. Me paterica, duke çaluar dhe i rrethuar nga gazetarë, ai i është drejtuar policisë së Rio de Janerios, pasi pak ditë më parë në qendrën stërvitore, kishte marrë mandatin për t”u paraqitur.
Thirrja vjen pasi Neymar bëri publike mesazhet dhe videot që kishte shkëmbyer me vajzën që e akuzon. Në Brazil kjo quhet vepër penale, ku publikon video e sms pa pëlqimin e palës tjetër, në këtë rast të vajzës, vepër kjo e cila mund të dënohet nga 1-5 vite burg.
Ylli i PSG u paraqit në rajonin e policisë rreth orësh 19:00, më orën lokale, dhe qëndroi për rreth dy orë duke dhënë dëshminë e tij. Përballë interesimit të madh të medias, Neymar foli shumë shkurt: “Dua vetëm të falënderoj të gjithë për mbështetjen”, u shpreh braziliani duke u larguar me paterica dhe duke çaluar si pasoj e dëmtimit të pësuar në kavilje. “Neymar dëshiron vetëm të sqaroj atë që ka ndodhur, kemi besim”, u shpreh avokati i tij.
Neymar pritet të paraqitet sërish në polici pasi akuzat mbi të janë më të vërtetë të renda. Najila Trindade, modelja 26-vjeçare, rrëfeu në televizion versionin e saj ku e akuzon Neymar për dhunë fizike dhe për përdhunim.
https://youtu.be/L03YaJeW4tg
