Një ngjarje e rëndë ka ndodhur para pak minutash në Vlorë, ku një person është plagosur me armë zjarri.
Mësohet se personi i plagosur është administratori i njësisë Kote, Argjil Gjoka.
Ai ka marrë një plumb në gjoks dhe menjëherë pas plagosjes është dërguar në spitalin e Vlorës.
I plagosuri ndodhet në gjendje kritike për jetën.
Ngjarja ka ndodhur në fshatin Pet të njësisë Kote, rreth 45 minuta larg qytetit të Vlorës.
Policia ka mbërritur në vendngjarje dhe po heton për shkaqet dhe rrethanat e plagosjes.
