LIGJET E BIZNESIT
Denoncohet një tjetër mashtrim i kryetarit të Bashkisë së Tiranës Erion Veliaj në lidhje me arsimimin e tij në Shtetet e Bashkuara të Amerikës.
Shkencëtari dhe ish.zv ministri i Arsimit në Shqipëri Taulant Muka ka publikuar një foto në rrjetet sociale ku paraqitet nga njëra anë diploma që pretendon Erion Veliaj se ka marrë në universitetin Grand Valley State University dhe nga ana tjetër duket cmimi Honoris Causa që kryebashkiaku ka marrë nga po i njëjti universitet.
Taulant Muka ngre shqetësimin se në foton e parë të diplomës Bachelor mungon firma origjinale dhe stampa/vula ndërkohë që te foto tjetër e cmimit firma, dhe vula janë origjinale.
Kështu Muka shprehet se njëri dokument i ka elementet e sigurisë ndërsa tjetri jo dhe ngre dyshime të forta se ky është një mashtrim nga ana e kryetarit të Bashkisë Tiranë Erion Veliaj, i cili sipas shkencëtarit mund të mos ketë studiuar fare jashtë dhe se diploma është false.
SHKRIMI I PLOTE I TAULANT MUKES
Jeni të lirë ta shpërndani!
Erion Veliaj gënjen aq shumë, sa e zbulon vet të vërtetën për “diplomimin” e tij?. Në foto mund të shihni Diplomën Bachelor (nga GVSU-USA) që Veliaj ka bërë publike por që i mungon firma origjinale dhe stampa/vula, dhe “Çmimin” që universiteti i ka dhënë Veliajt, por që ndryshe nga diploma, ka firmë origjinale dhe stamp. Siç mund ta shihni, shkrimi është i njëjtë, dhe të dy dokumentet janë leshuar nga “Board of Trustees” i Universitetit, por njërit dokument i mungojnë elementët e sigurisë, kurse tjetrit jo.
