Në ditët e sotme shumë prindër hasin vështirësi në komunikimin me fëmijët e tyre.
Në shumë situata prindërit mund të ndihen sikur fëmijët nuk i kuptojnë ata dhe mundohen ti rregullojnë gjërat duke përdorur shpeshherë dhunën verbale si mënyrë për të qetësuar gjendjen, por në fakt kjo nuk është rruga e duhur.
Ekzistojnë disa strategji që ju ndihmojnë të bindni fëmijët pa qenë nevoja t’i bërtisni.
Vendosni kontakt me sy
“Unë mund ta thërras 100 herë “Eja të hash darkë” që nga dhoma tjetër por vjen vetëm nëse nuk shkoj atje dhe e shikoj në sy dhe i them “Do vish të hash darkë tani.”
Përshkruajeni problemin
Në vend që të jepni urdhra duke vepruar me inat në një situatë, përpiquni t’i shpjegoni fëmijës së cfarë duhet. Për shembull në vend të “Sa herë duhet të të tregoj që të vendosësh në vend rrobat e tua?” thuaji “shoh rroba në dysheme”. Ose provo të japësh informacion në vend të urdhrave: “Peshqirët e largur duhet të hidhen në kosh dhe jo mbi shtrat” dhe mos i thoni “Coje shpejt peshqirin në kosh!”.
Përpiquni t’i thoni gjërat me sa më pak fjalë
Sa më shumë që i shpjegoni gjërat aq më shumë kohë do fëmija për t’i kuptuar. Pra, në vend të thoni “kam qenë në punë gjithë diten dhe mu deshën edhe tre orë për të bërë darkën e tani të kërkoj vetëm të cohesh e të më sjellësh pjatën tënde”, mjafton ta thërrisni në emër dhe t’i thoni “më sill pak pjatën.”.
Shkruani një shënim
Disa fëmijë mund të reagojnë më shumë në mënyrë bashkëpunuese nëse i lini një shkrim ose një foto diku sesa duke komunikuar verbalisht. Jepni atij një listë ku shkruani : “Mëngjes, vishemi, rregullojmë shtratin, pastrojmë dhëmbët”, dhe keni për ta parë që ai nuk do të përtojë më aq shumë.
Tregojuni atyre se cfarë do të bëni, jo atë që ata duhet të bëjnë
Mund të mos jeni në gjendje të kontrolloni se cfarë bëjnë fëmijët tuaj, por ju mund të kontrolloni veprimet tuaja. “Është koha për të ikur, kështu që unë po shkoj në makinë. Shihemi atje, “është më efektive se sa të qëndroni tek prota duke ju thënë që të vijnë dhe të futen në makinë.
Jini empatikë dhe vlerësoni situatën
Bëni deklarata si: “Uroj që të mos kemi nevojë të shkojmë në shkollë sot. A nuk do të ishte mirë të rrinim në shtëpi dhe të luanim me lodra?” Tregojini fëmijës se ndjenjat e tij janë të rëndësishme për ju dhe më pas shpjegojini se përse duhet të shkojë në shkollë.
Kushtojini rëndësi kohës
Ju do të keni më shumë sukses nëse i kërkoni fëmijës suaj të vendosë dicka mbi tryezë kur të mbarojë filmi i tij i preferuar sesa në mes të filmit dhe përvec kësaj, në këtë mënyrë ju tregoni respekt për dicka që është e rëndësishme për të.
