Sot protesta e opozitës, policia merr masat, ja sa efektivë do të jenë në terren

Policia e Shtetit ka marrë masa për protestën e sotmë që do të zhvillohet nga opozita e bashkuar në orën 19:00 përpara godinës së kryeministrisë.

Në terren do të jenë të angazhuar 1700 forca policie për të ruajtur institucionet shtetërore.

Bëhet me dije se përpara godinës së Ministrisë së Brendshme por edhe Parlamentit do të vendosen gardhe metalike si dhe kamera me rezolucion të lartë për të identifikuar personat që do të kryejnë akte dhune.

Në gatishmëri janë edhe Forcat e Ndërhyrjes së Shpejtë si dhe autobotet me ujë.

Opozita ka kërkuar leje për protestë marshim tek Kryeministria dhe Parlamenti nga ora 19.00 deri në mesnatë, ndërsa policia e ka lejuar të protestojë vetëm para Kryeministrisë deri në orën 21:00.