Sot protesta e 9-të kombëtare e opozitës, çfarë ka paralajmëruar Lulzim Basha

Sot në mbrëmje në orën 20:00 opozita e bashkuar do të zhvillojë protestën e nëntë kombëtare kundër qeverisë Rama.

Kryetari i Partisë Demokratike Lulzim Basha ka paralajmëruar një protestë paqësore para kryeministrisë, madje është shprehur se do të marrë me vete gruan dhe dy vajzat e tij.

Protesta e opozitës do të mbahet vetëm pak ditë përpara zgjedhjeve të 30 qershorit.

Ditët e fundit vendi po kalon një situatë të pazakontë ku mbizotëron kriza e thellë politike.

Nga njëra anë presidenti ka kërkuar anulimin e zgjedhjeve të 30 qershorit dhe opozita e cila ka djegur mandatet në parlament, e nga ana tjetër mazhoranca këmbëngul se këto zgjedhje do të zhvillohen.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dhunë ka patur edhe në KZAZ-të e vendit ku mbështetësit e opozitës nuk kanë lejuar që materialet zgjedhore të qëndrojnë brenda dhe kanë tentuar t’i djegin ato në shenjë proteste.