Soreca apel për paqe në Shqipëri përmes Euronews

Ambasadori i Bashkimit Europian në Tiranë, Luigi Soreca ka komentuar situatën politikë në Shqipëri në një intervistë të dhënë për Euronews. Sa përket mundësisë për hapjen e negociatave me Shqipërinë, Soreca tha se vendi ka bërë hapa konkret përpara dhe se reforma në drejtësi është një iniciativë e pashoqe.

“Shqipëria ka bërë progres të rëndësishëm që nga qershori 2018. Së pari progres ka pasur në fushën e drejtësisë, ku janë bërë hapa me rëndësi. Këtu vlen të përmendet edhe reforma në drejtësi, si krye reformë e vendit. Kemi të bëjmë me një reformë të pashembullt të reformimit të gjyqësorit në Shqipëri, që nuk është parë në Europë e në botë.

Më tej në intervistën e tij, Soreca u ka bërë thirrje palëve politike në Shqipëri që të ulen dhe të diskutojnë me qetësi për të mirën e vendit.

“I bëj thirrje të gjitha partive politike që të kapërcejnë ngërçin aktual dhe të marrin në konsideratë interesin kombëtar të shqiptarëve si drejtimin më të mirë për vendin”, thotë Soreca për Euronews.