Një krim i rëndë brenda familjes tronditi Vlorën mesditën e sotme, ku 56-vjecari Lavdosh Sula vrau me sopatë bashkëshorten e tij Laureta Sula 44-vjec.
Ngjarja ndodhi në fshatin Babicë në banesën e tyre ku si fillim burri e ka mbytur të shoqen me duar dhe më pas e ka goditur me sëpatë në kokë dhe në fytyrë duke i shkaktuar vdekjen.
Autori ka lajmëruar më pas policinë duke thënë se e ka kryer krimin e rëndë pasi dyshimeve se e shoqja e tradhëtonte prej 5 vitesh.
Ai është arrestuar nga policia dhe është dërguar në komisariatin e Vlorës ku do të merret në pyetje në lidhje me krimin e rëndë.
Ndërkohë që lidhur me tradhëtinë e mundshme të viktimës, policia ka qenë në dijeni pasi vëllai i Lavdosh Sulës, ka tentuar që të vrasë një person, me të cilin dyshohet se kishte lidhje 44-vjeçarja.
Para 6 ditësh, vëllai i Lavdosh Sules, Artur Sula ka shkruar të vrasë me armë gjahu L. Sejdiraj (dyshonin se L. Sejdiraj kishte lidhje jashtë martesore me viktimën e sotme).
Konflikti në familjen e Lavdosh Sules kishte disa dite që ishte agravuar.
Policia ka qenë ne dijeni, sepse për ngjarjen e para disa diteve ka arrestuar Arben Sulën.
Njoftimi i policisë për ngjarjen e datës 19:
Tenton të vrasë me armë gjahu kushuririn e tij – vihet në pranga nga policia autori.
Mbrëmjen e djeshme pas marrjes së informacionit se në fshatin Babicë e Madhe ka konflikt me armë midis dy personave, menjëherë shërbimet e policisë janë afruar në vendin e ngjarjes duke bërë parandalimin e një vrasje të mundshme.
Konkretisht në vendin e quajtur “Alikokë” Babicë e Madhe, shtetasi A. S., 44 vjeç, ka tentuar të vrasë me armë gjahu (teke) shtetasin L. S., 46 vjeç, për motive të dobëta (kurshurinj me njëri-tjetrin).
Policia ka bërë kapjen dhe arrestimin e menjëhershëm të shtetasit A. S, për veprat penale “Vrasje me dashje, e mbetur në tentativë” dhe “Prodhimi dhe mbajtja pa leje e armëve të gjuetisë dhe atyre sportive”.
Materialet i kaluan Prokurorisë për veprime të mëtejshme.
Njoftimi i policisë për vrasjen e ndodhur sot:
Në orën 12:52, në fshatin Babicë e Madhe, Vlorë, pas një konflikti në familje dyshohet se shtetasi L. S., 56 vjeç, ka goditur me mjet të fortë (levë hekuri) bashkëshorten e tij 44 vjeçare L.S.
E dëmtuara u shoqërua për ndihmë mjekësore në Spitalin e Vlorës por për shkak të dëmtimeve të marra në orën 13:30, njofton Spitali se ka ndërruar jetë.
Policia ka shoqëruar menjëherë bashkëshortin, shtetasin L.S., si autorin e dyshuar në lidhje me ngjarjen për të cilin po vijojnë veprimet e mëtejshme në lidhje me arrestimin e tij.
Grupi hetimor ndodhet në vendin e ngjarjes duke kryer veprimet hetimore në lidhje me sqarimin e rrethanave.
