Shtyhet sërish gjyqi ndaj Shullazit, gjobë dy avokatëve që munguan

Ditën e sotme është shtyrë serish seanca ndaj grupit te Emiliano Shullazit dhe grupit të tij për shkak se avokatët e palës mbrojtëse nuk ishin të pranishëm.

Gjykata ka vendosur të gjobisë me nga 5 mijë lekë dy nga avokatët që munguan në seancë.

Seanca e rradhës u caktua më 18 qershor në orën 12 e 30 ndërkohë që ajo e sotmja është shoqëruar me debate pasi të pandehurit kundërshtojnë të gjykohen nga kryesuesja e trupës Saida Dollani.

Në seancën e kaluar gjyqësore një debat i ashpër ka ndodhur midis të pandehuruit Gilmando Dani dhe gjyqtares Saida Dollani, për shkak se kjo e fundit është kërcënuar me jetë dhe është marrë në mbrojtje nga forcat speciale

Kjo është e njëmbëdhjeta herë që seanca gjyqësore ndaj grupit Shullazi shtyhet në 4 muajt e fundit.

Në nëntor të vitit 2018 Gjykata e Krimeve të Rënda shpalli fajtorë për përvetësim pasurie, kërcënim, e grup të strukturuar kriminal kreun e bandës Emiljano Shullazin, i cili u dënua me 14 vjet burg.

Bashkëpunëtori i tij Gilmando Dani u dënua 12 vjet burg, Endrit Qyqja dhe Endrit Zela me nga 10 vjet dhe Blerim Shullazi me 9 vjet burg. Për akuzën e kërcënimit ndaj rektorit të UT, grupi u shpall i pafajshëm.