Një shqiptar është arrestuar nga policia italiane me akuzën e dhunës në familje.
Mediat italiane shkruajnë se 35-vjeçari shqiptar, identiteti i të cilit nuk bëhet i ditur, u ndalua pasi kishte shkelur urdhërin e mbrojtjes që kishte vendosur gjykata, i cili e ndalonte që ti afrohej bashkëshortes.
Ngjarja ka ndodhur në Noale të Italisë, dhe shqiptari e ka thyer urdhërin e mbrojtjes duke shkuar në shtëpinë e bashkëshortes me dyshimin se ajo ndodhej në shoqërinë e të dashurit të saj.
Sapo e ka parë bashkëshortin në derë, gruaja ka telefonuar menjëherë policinë.
Sipas deklaratave të saj, ajo kishte jetuar prej vitesh nën dhunën e bashkëshortit, e terrorizuar dhe e kërcënuar prej tij.
