LIGJET E BIZNESIT
Vijon të jetë shumë e tensionuar situata në qytetin e Shkodrës. Pas përplasjeve të ditës së djeshme në KZAZ-në e këtij qyteti gjendja vijon të jetë e rëndë, kjo për shkak edhe të arrestimeve të bëra mbrëmjen e djeshme, mes tyre edhe ish-deputeti Bardh Spahia.
Në këtë klime të tensionuar Rama do të udhëtojë drejt qytetit veriperëndimor për të zhvilluar një takim elektoral.
Pavarësisht se kryetarja e bashkisë, Voltana Ademi e ka refuzuar lejen për këtë tubim në pedonalen e Shkodrës, kryeministri Rama, i përgjigj asaj nga foltorja e Kuvendit duke i kujtuar edhe masakrën e ndodhur në 2 Prill, ku u vranë katër protestues.
Sakaq në qytetin verilindor janë shtuar masat e sigurisë, ndërsa makina të shumta të FNSH-së dhe të blinduara janë shfaqur duke qarkulluar në rrugët e Shkodrës.
Video:
