Sherri degjeneron në plagosje me armë në Krujë

Pas një sherri banal, një person ka mbetur i plagosur pasditen e sotme në lagjen “Sesere” të Krujës.

Policia bën me dije se ngjarja ka ndodhur rreth orës 16:50, ku gjatë një konflikti për motive të dobëta, sipas policisë, shtetasi K.A, 49 vjeç,  dyshohet se ka plagosur me armë zjarri shtetasi A.P, 40 vjeç. Ky i fundit pas ngjarjes ndodhet në spital nën kujdesin e mjekëve, jashtë rrezikut për jetën.

Sakaq bëhet me dije se policia po punon për arrestimin e shtetasit K.A. i cili dyshohet si autor i plagosjes, pasi ky fundit ka tentuar të arratiset.