LIGJET E BIZNESIT
“Shëndetësia falas” ishte një nga premtimet e bujshme të qeverisë Rama në vitin 2013, kur kërkonte të merrte pushtetin. Zgjedhjet ia doli t’i fitojë, dy herë madje, edhe në vitin 2017, por “shëndetësia falas” në 2019 tingëllon si gënjeshtra dhe premtimi më absurd që kanë dëgjuar ndonjëherë shqiptarët në fushata.
Një shembull konkret denoncohet nga një qytetar në redaksinë e Fast News Albania. Qytetari dërgon në redaksinë tonë një foto të tabelës parkimit në hyrje të qendrës spitalore Universitare, “Shefqet Ndroqi”.
Për 5 minuta te “senatoriumi” siç rëndom njihet nga të gjithë, drejtoria tregohet ‘zemërmirë’ dhe nuk i tarifon qytetarët, por në rast të tejkalimit, qoftë edhe me një minutë çmimi që do duhet të paguajnë qytetarët është as më pak as më shumë, por 2 mijë lekë. Çmimi është i krahasueshëm me parkingjet me pagesë që ofrojnë disa nga hotelet më të shtrenjta në qendër të Tiranës.
Vlen të theksohet se spitali “Shefqet Ndroqi” frekuentohet shumë dhe nga qytetarë që vijnë nga rrethet, çka do të thotë se krahas shpenzimeve të tjera për të shoqëruar familjarët e hospitalizuar, ky spital iu bën edhe “një tjetër dhuratë” që iu rëndon jo pak xhepa.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Edhe një herë kjo foto jo vetëm rrëzon premtim “Shëndetësia Falas”, por edhe demaskon mungesën e solidaritetit edhe nga institucione, ku ky element duhet të jetë bazë e veprimtarisë dhe punës së përditshme.
