Aktori i humorit Bes Kallaku, në një rrëfim të sinqertë në emisionin “Late night show” me moderatorin Kastro Zizo, ka treguar se në fillimet e karrierës së tij në “Portokalli” ka fjetur në karrige dhe është pikërisht ish-prezantuesi i këtij programi Agron Llakaj i cili i ka hapur dyert e shtëpisë së tij.
Kallaku ka treguar mirënjohjen e tij për këtë gjest të Llakajt duke e u shprehur se ky i fundit ka kontribuar shumë për ta ndihmuar.
“Nuk e kam thënë kurrë, por ja vlen ta them që Agron Llakaj ka qenë një nga ata që ka kontribuar jashtëzakonisht shumë me mua. Nuk dua ta bëj bajat fare, por në fillimet e mija flija në karrige. Agron Llakaj ka qenë personi që në fillimet e mija më hapi derën e shtëpisë dhe më tha hajde flij te shtëpia ime dhe hajde ha te shtëpia ime”, u shpreh Bes Kallaku gjatë emisionit.
