Motra e tre vëllezërve Shkëlqim, Ylli dhe Fatmir Haklaj të vrarë në Tropojë ka kërkuar të përballet publikisht me ish-kryeministrin Sali Berisha.

Zylfie Haklaj shprehet se kërkon debat televiziv ku të gjithë ata që kanë interes të mësojnë ngjarjen mes familjes së saj dhe Sali Berishës mund ta ndjekin atë.

Nëpërmjet një statusi në Facebook ajo shkruan se është e gatshme të dalë në cdo studio televizive për tu përballur me Berishën.

Zylfie Haklaj është në listën e personave më të kërkuar në Kukës.

Ajo është dënuar me 25 vite burg pasi mori hak për vëllezërit e vrarë duke ekzekutuar kështu dy persona.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Zylfie Haklaj akuzohet për vrasjet e Rasim Lumneshit dhe Ilir Gosturanit në 2002 në Troojë.

SHKRIMI I PLOTE I ZYLFIE HAKLAJT

‘Jam e gatshme nga ky moment në cilendo studio televizive të përballem me Berishën. Nëse dëshiron le ta zgjedhë vetë studion televizive. Meqënëse Sali Berisha kurrë nuk na dha një mundësi sqarimi ose arsyetimi familjes tonë.

I kërkoj debat televiziv ku të gjithë  ata që janë të interesuar do ta mesojne të vërtetën e rrjedhes se ngjarjeve deri në ditët e sotme në mes të familjes tonë dhe Sali Berishës. Dua që dhe vetë Berisha të mësojë që kurre nuk e diti nga kush u perdore kundër familjes tonë’ shprehet motra e Haklajve në një postim në Facebook.